مغربي وسعودي ومصري حرقو لإسپانيا،شدوهم الديوانة سولوهم منين جيتو،ما بغوش يتكلمو..جابولهم واحد البنت زوينة!!شافها السعودي مقدش يصبر و قال:والله حلوة وايد عرفوه سعودي قالو رجعوه هذا لسعودية راهو سعودي، شافها المصري قال :البنت دي حلوة أمرْ،عرفوه مصري هزّوه لبلادو،المغربي شافها قال :پشآاخ پشآاخ قالو هذا الماني هزوه لبلادوا
هادا واحد ماعمرو ما مشاى للرباط...
نهار مشى ليها، لقا ف الدخلة ديالها بلاكة مكتوب عليها " الرباط سلا"...
هو يقول لصاحبو: هاد الرباط ما لقي ايمتا يسالي حتا جينا ليه حنا
واحد الموضف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه: جيب ليا واحد أتاي للمكتب ديالي وطلق راسك أ الحمار
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع
واحد خايب بزاااااااااااااف بغى يخطب وطلبو منه صورته
عطاهم التصويرة وكتب عليها
وعسى أن تكرهوا شيئا وهو خير لكم
هبيل سألوه : الزيتون فين كينوض؟
قال ليهم : كينوض في الكاشير
الولد: بابا بغيت ناخد كيري
الأب: والله ماتاخد غير بنت عمك طامو
الولد: بابا راه كيري فرماج
الأب: حتى طامو راها زبدة
أش كتعرفو فالزين
واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها
قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي
واحد كذاب بززززاف قال لواحد صاحبو:
أنا خلاقيت ملي كان قوس قزح بيض وكحل !!
وهو يرد عليه صاحبو حتى هو طيارة في الكدوب قال له:
انا تزاديت فــاش كان البحر الميت باقي مريض فالسبــيطار
هادا واحد الراجل دا ولدو للسوق باش يعلم ليه الألوان
ورا ليه ماطيشة وقال ليه: شوف أولدي، هادي ماطيشة وراها حمرة
واخا كتبان ليك صفرة، راه غير باقا خضرة
واحد سول صاحبو: باش سالات المضاربة ديالك البارح مع مراتك؟
جاوبو: جات عندي راكعة على ركابيها
وقالت ليا: خرج من تحت الناموسية أ الخواف
واحد الشيباني قال لصاحبو: في أيامات الشباب، كانوا العيالات يجريو يتبعوني
قال ليه صاحبو: ودابا؟
قال ليه الشيباني: لا دابا صافي، عفى عليا الله من الشفرة ديال السيكان
هادا واحد كيجري مورا التران، يطيح وينوض، يطيح وينوض
الناس كاملين اللي راكبين ف التران كيموتوا عليه بالضحك
ناض واحد طل عليه من الشرجم وقال ليه: وبركة أصاحبي، راه قتلتينا بالضحك
قال ليه هاداك الراجل: إيوا دابا تموتوا بالخلعة راه أنا الشيفور